Шестиот Конгрес на еколозите со меѓународно учество, се одржа во Охрид од 15–18 октомври 2022, во организација на Македонско еколошко друштво (МЕД).
XI Конференција за медицински и ароматични растенија во државите во југоисточна Eвропа што се одржа во х. Гранит во Охрид од 6-10.10.2022, oрганизирана од страна на Комисијата за медицински и ароматични растенија од државите во Југоисточна Европа.
Фармахем е една од ретките мали и средни претпријатија која што е континуирано наградувана од 2008 година, кога почнаа да се доделуваат Националните награди за ООП и има освоено призанија во сите пет категории: етичко управување, однос кон вработените, односи на пазарот, вложување во заедницата и однос кон животната средина.
Фармахем за 2021 година го освои признанието во категоријата „вложување во заедницата“ за проектот „Со мали чекори до подобро утре!“.
Меѓународниот ден на семејството - 15 Мај, овој пат го одбележавме дружејќи се со семејствата на вработените со кои го уредувавме дворот на Едукативниот центар за зачувување на природата во с. Негрево, но и шетавме по патеката на Петко до локалитетот Јудови Ливади.
Првата приватна биохемиска лабораторија во Македонија - ДИЈАГНОСТИКА ФАРМАХЕМ - одбележа јубилеј, 25 години од постоењето.
Со одлука на Владата на Република С. Македонија, дел од Малешево станува заштитено подрачје во категорија V - заштитен предел.
На 1 октомври 2020 година, Фармахем одбележа значаен јубилеј, 30 годишнина од постоењето. По тој повод, секој вработен во Фармахем, Фармахем Сервис и ПЗУ Дијагностика Фармахем засади дрво во заедничка активност во Спортско-рекреативниот центар „Сарај“. 30 засадени дрвја се јавори во чест на 30 годишнинината, а останатите се нарекуваат популарно „golden rain“ за златна иднина! Вкупно беа засадени 75 дрвја во чест на 75-годишнината од раѓањето на основачот на Фармахем, директорот д-р Јосиф Таневски.
Фармахем го збогати своето портфолио со тестови за детектирање на COVID-19 одобрени од FDA.
Во понудата имаме PCR тестови и серолошки тестови.
Во декември 2019, Фармахем се здоби со три нови признанија за општествена одговорност со што уште еднаш ја потврди својата континуирана заложба за општествено одговорно и одржливо управување.
Од денес и официјално, документарниот филм „Медена земја“ (Honeyland) е помеѓу петте номинирани филмови за престижната награда Оскар во категориите „најдобар документарен филм“ и „најдобар филм од неанглиско говорно подрачје“. Документарниот филм „Медена земја“ е реализиран како дел од Програмата за зачувување на природата во Северна Македонија проект на Швајцарската агенција за развој и соработка (SDC), координиран од „Фармахем“, а воедно е поддржан и од Агенцијата за филм на Република Северна Македонија.
Фондот за иновации и технолошки развој, преку инструментот Кофинансирани грантови за комерцијализација на иновации, одобри финансиска поддршка на проектот ,,МИКРОЕКОˮ - иновативна технологија со примена на аеробни микроорганизми до помалку пестициди во почвите, во износ од 290.889,06 EUR.
По повод 7 септември – Денот на ослободувањето на Кочани и 75 години од ослободувањето на градот Кочани, на свечена седница на Советот на Општината Кочани беа доделени највисоките општински награди.
Совршено е кога визијата на фирмата и на вработените се поклопуваат во одредена мерка. Како компанија вложуваме многу во едукација на вработените, како и на нашите соработници. Пред сé, инвестираме во стручно знаење, но секако ги промовираме и вредностите во кои силно веруваме, особено во сегментот на заштита на животната средина, одржливо користење на ресурсите, родова еднаквост и недискриминација по никаков основ.
Фармахем e добитник на признанието за најдоброто од истокот во областа на заштитата на животната средина за 2018 година, како координатор на Програмата за зачувување на природата во Македонија, која во изминатите години значително влијае на подобрување на зачувувањето на природните вредности во Брегалничкиот слив.
Фармахем ја доби наградата во категоријата „Компании предводници за одржлив развој“ и во таа прилика г-ѓа Марјонка Велјановска, извршната директорка на Фармахем, имаше кратко обраќање на присутните за придобивките од посветеноста кон одржливиот развој за Фармахем и за општеството.
Документарниот филм „Медена земја“ (Honeyland) ја освои главната награда од стручното жири (Grand Jury Prize) на Sundance Film Festival 2019 во конкуренцијата за документарни филмови од светот (World Cinema Documentary Competition).
Македонскиот документарен филм “Honeyland” (Медена Земја) е избран во официјална конкуренција на престижниот филмски фестивал “Sundance” во категорија со уште 12 други документарни филмови од целиот свет. Снимањето на документарниот филм започна во 2015 година во рамки на Програмата за зачувување на природата во Македонија, проект на Швајцарската агенција за развој и соработка (SDC), координирана од Фармахем.
Во рамките на конгресот, Секторот дијагностика и лекови на Фармахем се претстави со изложбен штанд со два специјално изработени пултови и презентација на која беа промовирани сите новитети и модерните достигнувања во лабораториската медицина од областа на клиничката биохемија, имунологијата и хематологијата.
Фармахем продолжува со својата заложба за општествено одговорно и одржливо работење и на 10-ттата јубилејна манифестација „Свечено доделување на Националната награда за најдобри општествено одговорни практики на македонските претпријатија во 2017 година“, којашто се одржа на 15 ноември 2017 година, во хотелот „Мериот“ Скопје, освои две награди за ООП.
Aмбасадорот на Швајцарската конфедерација во Република Македонија, H. E. Сибил Сутер Техада, ја посети дирекцијата на Фармахем.