Фармахем успешно ги заврши тридневните инспиративни настани – Pharmalytica '25, LabEXPERT '25 и Cannalytica '25, со што одбележавме 35 години посветеност на извонредност и иновации.
Настаните опфатија теми релевантни за различни индустрии – фармација, лабораториска технологија и аналитика на канабис. Заедно дискутиравме за најновите трендови, регулативи и решенија кои го обликуваат идниот развој на науката и индустријата.
Учесниците имаа можност да ја посетат Лабораторијата за животна средина во новиот простор на Фармахем, акредитана од 2010 согласно стандардот МКС EN ISO/IEC 17025:2018 за 42 методи за тестирање и 4 методи за калибрација, опремена со најсовремени инструменти од компаниите коишто ги застапуваме: Agilent Technologies, Mettler Toledo, Milestone, Binder, Hettich, Brand и др. Полето на испитување се отпадни и површински води, квалитет на амбиентен воздух, стационарни извори на емисија, бучава, пестициди во почва, канабис за медицински цели и тн.
Искрена благодарност до почитуваните предавачи од нашите долгогодишни партнери Mettler Toledo, Milestone, како и Teva Pharmaceuticals и Altium за нивното присуство, споделено знаење и драгоцено искуство. Нивната експертиза и инспиративните предавања придонесоа овие едукативни настани да имаат исклучителна вредност за сите учесници. Благодариме за долгогодишната соработка и посветеноста — со нетрпение очекуваме нови средби и идни заеднички проекти!
Голема благодарност до сите учесници – вашето присуство и ентузијазам го направија секој настан посебен. Ни беше чест да наздравивме за уште многу години заеднички успеси, соработка и иновации!
