06.12.2018 „HONEYLAND“ ИЗБРАН ВО ОФИЦИЈАЛНА КОНКУРЕНЦИЈА НА „SUNDANCE“

Македонскиот документарен филм “Honeyland” (Медена Земја) е избран во официјална конкуренција на престижниот филмски фестивал “Sundance” во категорија со уште 12 други документарни филмови од целиот свет. Снимањето на документарниот филм започна во 2015 година во рамки на Програмата за зачувување на природата во Македонија, проект на Швајцарската агенција за развој и соработка (SDC), координирана од Фармахем.

Главната идеја на документарниот филм е да се прикаже припадноста на човекот кон природата преку посебноста на односот кој тој го има кон неа и нарушување на тој природен баланс преку судирот на два различни начини на искористување на природните ресурси. Филмот е во режија на Љубомир Стефанов и Тамара Котевска, продуцент и монтажер на филмот е Атанас Георгиев, сниматели Фејми Даут и Самир Љума, а е поддржан од Програмата за зачувување на природата во Македонија и Агенцијата за филм на Република Македонија.

Покрај филмските фестивали Берлински фестивал, Кан, Бафта, Глобус и Венеција, Sundance претставува еден од најпрестижните филмски фестивали на светско ниво и учеството на македонски филм на еден ваков фестивал претставува вистински успех.

.........................................................................................................................................................................................................................................................................................................

Назад до новости

Адреса: Кичевска бр. 1, 1060 Скопје, П. Фах 39, Тел: +(389 2) 2031 193, Факс: +(389 2) 2031 434, е-пошта: farmahem@farmahem.com.mk